تحديث جديد لهواتف الأندرويد.. تعرف عليه.

 تحديث جديد قادم لهواتف الأندرويد من خلال Google Play Services (الإصدار 25.14)، واللي هيخلي الموبايل يعمل ريستارت لو فضل بدون استخدام لمدة 3 أيام.

يعني لو سيبت الموبايل مقفول ومش بتدخل عليه تلات أيام، هيعاد تشغيل نفسه تلقائياً.

بعد ما الموبايل يعيد التشغيل، يدخل في وضعية "قبل أول فتح" (Before First Unloack / BFU)، يعني مفيش أي وسيلة تفتح الموبايل إلا بإدخال الرقم السري أو البين كود، ده بيساعد إن بياناتك تفضل مشفرة ومحميّة.

التحديث نزل رسميًا في 14 أبريل، وحيوصل لكل الأجهزة خلال أسبوعين أو أكتر لأنه بيشتغل في خلفية النظام ومفيش تدخل من المستخدم.

الميزة دي مشابهة لميزة "Inactivity Reboot" اللي آبل حطتها في iOS 18.1، والميزة دي ضايقت شوية الأجهزة الأمنية لإنها خلت الوصول للبيانات أصعب في الأجهزة اللي بيتم مصادرتها.

##نقاش_دوت_نت.