بنسمع ناس كتير بتشتكي من إنها بتاكل قليل لكنها بتزيد فالوزن او مش بتخس.. لازم تفهم إن الحرق فالجسم Metabolism هو عملية تفاعلات كيميائية داخل جسمك بتتم في 3 حالات: (وقت الراحة - وقت القيام بالمهام اليومية العادية- وقت الرياضة) مع العلم إن وقت الراحة هو أكثر اوقات بيتم فيها التفاعلات دي مش وقت الرياضة عكس الإعتقاد.
الأسباب:
1- الجينات: عملية الحرق عامةً بتكون وراثة جينية عن الأب والأم .
2- الهرمونات: فرط او قلة نشاط الغدة الدراقية أو مرض السكري او التوتر.
3- قلة النوم: السهر عدو الحرق.
4- الدايت القاسي: علي عكس مايتوقعه معظم الناس... كلما كان الدايت قاسي كلما قل معدل الحرق .
5- عدم شرب المياه بشكل كافي واللي جسمك محتاج ليه علشان يحرق طاقة .
6- عدم وجود كتلة عضلية كافية فالجسم لإن العضل وقت الراحة بيجعل الجسم ماكينة حرق عكس الدهون.
7- لا تتناول أطعمة غنية بالكالسيوم أنت مش محتاج الكالسيوم لعظامك بس , للحرق كمان.
8- استخدام ملح الطعام العادي.
العلاج:
1- بما إنك لاتستطيع التحكم في جيناتك الوراثية, تقدر تتحكم في نشاطك البدني... لازم يومك يكون فيه ساعة علي الأقل من الرياضة ذات الحدة العالية...كمان حاول تتحرك في اعمالك اليومية وتمشي اكثر وتكون Active وتغير عادات الكسل .
2- أذهب لطبيب واجري الفحوصات وأعرف المشكلة والخلل فالهرمونات وأعمل علي علاجها ولا تهملها .
3- النوم المبكر في ميعاد محدد يومياً ل 7-8 ساعات علي الأقل.
4- الدايت القاسي هيضرك اكتر ماهيفيدك... متهملش الكاربوهيدرات وتمنعها تماماً ولا تنقص من سعراتك بصورة مبالغ فيها... 500 كالوري عجز عن سعراتك اليومية للثبات معدل كويس .
5- أشرب مياه... اشرب مياه.... علشان الحرق وعلشان كليتك وعلشان كل وظائف جسمك المياه أساس الحياة... من 3-4 لترات يومياً ... وفي أبلكيشن على التليفون يساعدك إنه يفكرك تشرب لو مشكلتك انك بتنسى.
6-الناس اللي مش بتحب اللبن والجبن ومشتقاته... الكالسيوم عنصر مهم جداً مش بس لعضمك والعضلات... للحرق كمان. لو مش بتشرب لبن أضعف الإيمان خد مكمل كالسيوم لكن استشير طبيب الأول هو يوصفلك ويحددلك الجرعة.
7- لا تستخدم ملح الطعام العادي، استخدم ملح معالج باليود لأن له تأثير إيجابي على نشاط الغدة الدرقية.
#نقاش_دوت_نت.
